Նիգերիացի դարպասապահը սարսափելի վնասվածք է ստացել Բրազիլիայի հավաքականի հետ խաղում (տեսանյութ)

Armsport-ը գրում է.

Բրազիլիայի հավաքականի հետ ընկերական խաղում Նիգերիայի ընտրանու դարպասապահ Ֆրենսիս Ուզոխոն սարսափելի վնասվածք է ստացել:

61-րդ րոպեին աֆրիկյան թիմի 20-ամյա դարպասապահն անհաջող կերպով ընկել է խոտածածկին, ինչի արդյունքում նրա ձախ ոտքն անբնական կերպով դուրս է ընկել: Րոպեներ անց դարպասապահը փոխարինվել է:

Հիշեցնենք՝ վնասվածքի պատճառով հանդիպումը չի կարողացել շարունակել նաև բրազիլացիների հարձակվող Նեյմարը: 27-ամյա հարձակվողը 12-րդ րոպեին է ստիպված եղել լքել դաշտը:

Բրազիլիայի և Նիգերիայի հավաքականների միջև խաղը կայացել է Սինգապուրում ու ավարտվել 1:1 հաշվով: