Սինդի Քրոուֆորդի 18-ամյա դուստրը կրկնօրինակել է մոր՝ 90-ականների ոճային կերպարը

Իննսունականների հանրահայտ մոդել Սինդի Քրոուֆորդի դուստրը՝ Կայա Գերբերը երկուշաբթի դարձել է 18 տարեկան, սակայն տարեդարձը նոր-նոր է նշել՝ հազիվ հասցնելով ժամանակ գտնել Նյույորքյան նորաձևության շաբաթվա ընթացքում:

Ինչպես ներկայացնում է Daily Mail-ը, մոր ուղին բռնած երիտասարդ մոդելը ծննդյան երեկույթի համար ընտրել է հենց 90-ականների ոճային կերպարը՝ կրկնօրինակելով Քրոուֆորդին:

Ուրբաթ երեկոյան Նյու Յորքի The Edition հյուրանոցում կայացած խնջույքին սուպերմոդելը ներկայացել է Versace ապրանքանիշի համարձակ զգեստով՝ սև կաշվե կիսաշրջազգեստով, սեղմիրանի տեսքով կարճ վերնազգեստով և բազմաթիվ գոտիներից հյուսված երկարաճիտ կոշիկներով։