Վրացական լարին շարունակում է ռեկորդային անկում գրանցել

Վրաստանի ազգային բանկը չորեքշաբթի նոր փոխարժեք է սահմանել, որի համաձայն երկրի արժույթը կրկին արժեզրկվել է՝ հասնելով 2.97 ցուցանիշի մեկ դոլարի դիմաց և թարմացնելով ռեկորդային նվազման ցուցանիշը: ТАСС գործակալության փոխանցմամբ՝ այս մասին ասվում է երկրի ազգային բանկի կայքում:

Ինչպես հաղորդվում է, լարիի արժեքը երկար ժամանակ տատանվում էր մեկ դոլարի դիմաց 2,68-2,70 սահմանում: Հուլիսի սկզբին այն սկսել է արժեզրկվել և առաջին անգամ հակառեկորդ է սահմանել հուլիսի 10-ին՝ հասնելով 2.9 ցուցանիշի՝ մեկ դոլարի դիմաց: Մի քանի օր կայունանալուց հետո լարին կրկին անկում է գրանցել և հերթական հակառեկորդը սահմանել հուլիսի 25-ին՝ մեկ դոլարի դիմաց գնահատվելով 2.93 դոլար:

Չորեքշաբթի արդեն դոլարի փոխարժեքը լարիի նկատմամբ կոմերցիոն բանկերում և փոխանակման կետերում հասել է 3.03-ի: