Հայտնի են դարձել Էլիզաբեթ 2-րդի սիրած սերիալները

Հայտնի են դարձել Մեծ Բրիտանիայի թագուհի Էլիզաբեթ 2-րդի սիրած սերիալները։ Այս մասին հայտնում է The Sun-ը։

Ամեն տարի միապետի անձնական քարտուղարը նախագծերի ցուցակ է ուղարկում BBC ընկերությանը և ի պատասխան ստանում DVD-սկավառակներ: Նշվում է, որ թագուհին նախընտրում է սերիալները դիտել DVD-սկավառակներով:

«Գուցե դա հնաոճ համարեք, բայց նա այդպես է նախընտրում դիտել»,- հայտնել է թագուհու անձնական քարտուղարը:

Պարզվում է՝ թագուհու ամենասիրելի սերիալը «Զուտ անգլիական սպանությունն» (The Bill) է:

Աղբյուրի հաղորդմամբ՝ միապետը թեև դժկամությամբ է դիտում այն սերիաները, որտեղ ոստիկանները վիրավորվում են, սակայն մեծ հիասթափություն է ապրել, երբ 2010 թվականին սերիալն ավարտվել է:

Նշվում է, որ թագուհու սիրելի սերիալների թվում են նաև «Դոկտոր Ով», «Պահպանելով պարկեշտությունը» և «Նոր հնարքներ» սերիալները: