ԱՄՆ-ում գեղեցկության թագուհին Twitter-ում գրառման պատճառով զրկվել է տիտղոսից

ԱՄՆ-ում «Միսս Միչիգան» գեղեցկության մրցույթի հաղթող, «Միսս Աշխարհ ԱՄՆ» մրցույթի մասնակից Քեթի Չժուն Twitter-ում կատարած գրառումների պատճառով զրկվել է տիտղոսից, նրա մասնակցությունը «Միսս Աշխարհ» մրցույթին չեղարկվել է:

Ինչպես գրում է Washington Times-ը, մրցույթի ղեկավարությունը պաշտոնական նամակով աղջկա գրառումը «վիրավորական, անզգամ և անտեղի» է անվանել՝ առանց հստակեցնելու, թե որ գրառման մասին է խոսքը:

Ինքը՝ Քեթին, ենթադրում է, որ խոսքը կարող է երկու գրառումների մասին լինել. դրանցից մեկը նվիրված է եղել Միչիգանի համալսարանում հիջաբ կրելուն:

«Ուզում եք ասել, որ հիջաբն այժմ պարզապես նորաձև պարագա է և կրոնի հետ կապ չունի՞: Թե՞ ցանկանում եք կանանց սովորեցնել իսլամի հալածանքներին»,- գրել է գեղեցկության թագուհին:

Երկրորդ գրառման մեջ, որը կարող է Քեթիին տիտղոսից զրկելու պատճառ դարձած լինել, ասվում է. «Արդյո՞ք ձեզ հայտնի է, որ սևամորթների մեծ մասը զոհվում է այլ սևամորթների պատճառով: Նախ լուծեք ձեր խնդիրները, հետո մեղադրեք ուրիշներին»:

Ավելի ուշ երկու գրառումներն էլ ջնջվել են աղջկա էջից: