Անժելինա Ջոլիի դայակը պատմել է երեխաների դաստիարակության ցնցող մեթոդների մասին

Անժելինա Ջոլիի երեխաների դայակը, ով աշխատել է դերասանուհու տանը մինչ Բրեդ Փիթի հետ ամուսնալուծությունը, պատմել է դաստիարակության ոչ ավանդական և տարօրինակ մեթոդների մասին, որոնք կիրառում է Հոլիվուդի աստղը:

Կինը չի ցանկացել հրապարակել իր անունը։ Նրա խոսքով՝ մինչ աշխատանքից հեռանալը տեսել է, թե ինչպես են երեխաները ալկոհոլ, մասնավորապես գինի խմում Ջոլիի հետ։ «Ոչ մի կանոն, ոչ մի ռեժիմ», -նշել է նա:

Դայակը հավաստիացրել է, որ երեխաների վրա դրական է ազդել միայն Փիթը, մինչդեռ Ջոլին, ջանալով լինել, այսպես կոչված, «թույն մայրիկ», երեխաներին թույլ է տվել ամեն ինչ:

Նրանց իբրև թույլատրված էր ուշ պառկել քնելու, դիտել մեծահասակների համար նախատեսված ֆիլմեր, խմել ալկոհոլ, օգտագործել վատ բառապաշար: Բացի դրանից, Ջոլին ողջունել է դստեր՝ Շաիլոյի սեռափոխվելու որոշումը և թույլատրել է հորմոնալ դեղամիջոցներ օգտագործել: Ըստ դայակի՝ այս մոտեցումը ոչ մի լավ բանի չի հանգեցնի։

Ջոլին և Փիթը 6 երեխա ունեն։ Մայիսի 23-ին հաղորդվել է, որ Ջոլին և Փիթը որոշել են հաշտվել և հանուն երեխաների դաստիարակության պահպանել ընկերական հարաբերություններ:

Բաժանորդագրվեք Top-News.am-ին Telegram-ում