Ռուսաստանի ամենաազդեցիկ հայերն՝ ըստ GQ-ի

Հայտնի տղամարդկանց GQ ամսագրի ռուսական տարբերակը ներկայացրել է «2019 թվականի Ռուսաստանի ամենաազդեցիկ մարդկանց» վարկանշային աղյուսակը:

Վարկանշային աղյուսակում տեղ են գտել նաև տարբեր ոլորտներ ներկայացնող հայազգի հայտնի ռուսաստանցիները։

Մասնավորապես, ամենաազդեցիկ մարդկանց վարկանշային աղյուսակի «բիզնես» անվանակարգում պարբերականը ներառել է «ՌԵՍՈ-Գարանտիա» ապահովագրական ընկերության ղեկավար Սերգեյ Սարկիսովի անունը, իսկ «մեդիա» անվանակարգում ամենաազդեցիկն է ճանաչվել Russia Today-ի գլխավոր խմբագիր Մարգարիտա Սիմոնյանը:

Ցուցակում տեղ են գտել նաև iMall.eu շոփինգ-ստարտափի ղեկավար Մարտին Ավետիսյանը (նորաձևություն), «Հերմիտաժ»-ի տնօրեն Միխայիլ Պիոտրովսկին (մշակույթ), ռեստորանի սեփականատերեր Արամ Մնացականովը և Ալեքսանդր Օգանեզովը (սնունդ), ինչպես նաև տեսաբան-բյուրեղագետ, պրոֆեսոր Արտյոմ Օհանովը (տեխնոլոգիաներ):

Հայկական արմատներով Միխայիլ Պիոտրովսկին

Արտյոմ Օհանովը

Ավելի վաղ հաղորդվել էր, որ ամերիկացի թենիսիստուհի, ամերիկահայ գործարար Ալեքսիս Օհանյանի կինը ՝ Սերենա Ուիլյամսը, ամերիկյան GQ ամսագրի վարկածով «Տարվա կին» (տարվա չեմպիոն) է ճանաչվել: