Բարի Ալիբասովի կինը հայտնվել է հիվանդանոցում

Դերասանուհի Լիդիա Ֆեդոսեեւա-Շուշկինային հոսպիտալացրել են բրոնխիալ ասթմայի նոպայից հետո, հայտնում է Telegram-ի Baza ալիքը։

Ըստ ալիքի տեղեկությունների՝ դերասանուհին բժշկական օգնության է դիմել՝ շնչահեղձություն զգալով։ Բժիշկները նեբուլայզեր թերապիա են անցկացրել եւ նրան հիվանդանոց տեղափոխելու որոշում կայացրել։ Դերասանուհու վիճակի մասին առայժմ ոչինչ չի հաղորդվում։

Ֆեդոսեեւա-Շուշկինան երաժշտական պրոդյուսեր Բարի Ալիբաոսվի կինն է։ Հոսպիտալացման մասին տեղեկությունը հաստատել է դերասանուհու դուստրը՝ Օլգան։ «Գիշերը նրա ինքնազգացողությունը վատացել է»,- «Interfax»-ին հայտնել է նա։

Օրերս՝ հունիսի 4-ին, Բարի Ալիբասովին ներքին օրգանների այրվածքներով հոսպիտալացրել էին, երբ նա պատահականորեն խողովակների մաքրման համար նախատեսված միջոց էր խմել։ Հունիսի 17-ին նրան դուրս են գրել հիվանդանոցից։