Ադելն ամուսնալուծությունից հետո նիհարել է 10 կգ

Ամուսնալուծությունից հետո Ադելը զգալիորեն նիհարել է, գրում է woman.ru-ն։

Այս տարվա ապրիլին երգչուհու ներկայացուցիչը հայտնել էր, որ Ադելը և նրա ամուսինը՝ ամերիկացի գործարար Սայմոն Կոնեկին, երեք տարվա ամուսնությունից հետո որոշել են ամուսնալուծվել։

«Ադելը և նրա ամուսինը որոշել են ամուսնալուծվել, սակայն նրանք միասին կմեծացնեն իրենց որդուն։ Նրանք խնդրում են հարգել իրենց անձնական կյանքի իրավունքը և թեմայի շուրջ այլ մեկնաբանություններ չպահանջել»,- ասված էր ներկայացուցչի պաշտոնական հաղորդագրության մեջ։

Սակայն երևում է՝ ամուսնալուծությունը լավ է անդրադարձել Ադելի վրա։ The Sun պարբերականի աղբյուրը նշել է, որ երգչուհին պիլատեսի շնորհիվ նիհարել է ավելի քան 10 կիլոգրամ։

«Ադելը հոգ է տանում իր մասին։ Դա հիմա ամենաառաջնայինն է։ Երգչուհին նաև շատ ժամանակ է անցկացնում որդու՝ Անջելոյի հետ։ Նրան բացարձակապես չի լարում մարզումների նոր ռեժիմը, առավել ևս, որ այն արդեն նման տպավորիչ արդյունքներ է տվել։ Ադելը նոր կյանք է սկսել»,-հայտնել է պարբերականի աղբյուրը։

Նա իր «նոր» տեսքով հայտնվել է Լոնդոնում Spice Girls խմբի համերգին: