Մեգան Մարքլը և արքայազն Հարին ցույց են տվել իրենց առաջնեկի նոր լուսանկարը

Սասեքսի դքսուհի Մեգան Մարքլը և բրիտանացի արքայազն Հարին Հայրիկների օրվա առթիվ, որը տոնվում է հունիսի երրորդ կիրակի օրը, ցույց են տվել իրենց առաջնեկի նոր լուսանկարը:

Ինչպես գրում է Lenta.ru-ն, իրենց նորածին որդու՝ Արչի Հարիսոն Մաունթբաթեն Վինձորի լուսանկարը միապետական ամուսնական զույգը հրապարակել է Instgram-ում:

«Շնորհավոր Հայրիկների տոնը: Հատկապես յուրօրինակ օր ենք մաղթում Սասեքսի դուքսին իր առաջին տոնի առթիվ», - ասվում է լուսանկարին կից գրության մեջ:

Օրեր առաջ հայտնի էր դարձել, որ թագավորական զույգն իրենց որդու նոր դայակին պարտադրել է հատուկ պայմանագիր ստորագրել չբացահայտման մասին: Փոխարենը նրան ազատել են գիշերային ժամերին կանչով ժամանելու անհրաժեշտությունից:

Արքայազն Հարիի և Մեգան Մարքլի առաջնեկը լույս աշխարհ է եկել մայիսի 6-ին՝ դառնալով բրիտանական գահի ժառանգների թվում յոթերորդը՝ պապից՝ արքայազն Չարլզիզ, հորեղբայր արքայազն Ուիլյամից, նրա երեխաներից և իր հայրիկից հետո: