Բացահայտվել է ռուսական «Ձայնը. Երեխաներ» հեռուստանախագծի եզրափակչում քվեարկության խաբեության տեխնոլոգիան
Ռուսական «Ձայնը. Երեխաներ» հեռուստանախագծի եզրափակչի քվեարկության հետաքննությամբ զբաղվող Group-IB ընկերությունը մանրամասներ է նրկայացրել իրականացված ստուգումներից:
Ինչպես փոխանցում է Lenta.ru-ն, փորձագետները հայտնաբերել են, որ խաբեությամբ ստացված ձայների ընդհանուր թիվը կազմել է 41 000: Ձայներն ուղարկվել են հեռախոսահամարների երկու խմբից և ուղղվել են 07 համարի ներքո ելույթ ունեցող Միկելա Աբրամովայի՝ Ալսուի դստեր օգտին:
Առաջին խումբը, որից հեռախոսազանգեր են կատարվել, կազմված է մոտ 9500 համարից: Այդ համարները բաժանված են եղել տասնյակ խմբերի, որոնց ներսում համարները հերթով են աշխատել: Դրանցից ստացվել է, ընդհանուր առմամբ, 33 200 զանգ:
Երկրորդ խումբը օգտագործվել է SMS հաղորդագրություններ ուղարկելու համար և ավելի քան 8200 ձայն է բերել Միկելային: Դրանք բացահայտել հաջողվել է չարագործների սխալի արդյունքում, որոնք պատահաբար հաղորդագրության տեքստը պատահաբար տեղադրել են հավելյալ տեղեկությունների բաժնում (օրինակ՝ հաղորդագրության ուղարկման ժամանակը):
Բացի այդ, փորձագետները տարօրինակություն են բացահայտել նաև քվեարկության հաճախականության մեջ: 07 համարի օգտին սկսել են կտրուկ քվեարկել ելույթի ամենասկզբից: Մեկ վայրկյանում նրան հաջողվել է մինչև 300 ձայն ստանալ: Մրցակիցների միջին ցուցանիշը 110 ձայնն էր մեկ վայրկյանում:
Հիշեցնենք, որ ստուգումներ սկսելուց հետո ՌԴ Առաջին ալիքը, որով հեռարձակվում է հեռուստանախագիծը, չեղարկել էր նախորդ արդյունքներն ու եզրափակչի բոլոր մասնակիցներին հաղթող ճանաչել:
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Երևանը միանում է «Երկրի ժամ» համաշխարհային բնապահպանական նախաձեռնությանը
Իրանում պատերազմը Հնդկաստանին կանգնեցրել է գազային ճգնաժամի առաջ
Փարիզի Սամուելյանի Արևելյան գրախանութի աճուրդի հանված արժեքավոր որոշ գրքեր արդեն Հայաստանում են
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Թբիլիսիում քննարկել են երաժիշտների իրավունքները, աշխատանքային պայմանները և մշակութային քաղաքականությ...
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Էս լրիվ գողական եք հա՞ գնում․ ԱԺ ում լարված մթնոլորտ է