Ամբողջ աշխարհը սեռական ոտնձգության ենթարկած երգչուհին բողոքել է Հարվի Վայնշտեյնից

Ամերիկացի փոփ երգչուհի Մադոննան դժգոհել է պրոդյուսեր Հարվի Վայնշտեյնից՝ նշելով, որ նա «անցել է բոլոր սահմանները» և համատեղ աշխատելու տարիներին սիրահետել է իրեն, Корреспондент-ի փոխանցմամբ՝ հայտնել է The Hollywood Reporter-ը:

Ըստ աղբյուրի՝ Մադոննան ասել է, որ շատ է ուրախացել, երբ 2017 թ. հոկտեմբերին մի քանի կին մեղադրել են նրա սեռական ոտնձգություններ կատարելու մեջ:

«Երբ դա տեղի ունեցավ, ես ասացի՝ վերջապես»,- նշել է երգչուհին՝ հավելելով, որ գոհ է, որ երկար տարիներ իր դիրքը չարաշահած անձը դատապարտվել է:

Հիշեցնենք, որ 2017 թվականին Վայնշտեյնի անվան շուրջ ԱՄՆ-ում մեծ աղմուկ բարձրացավ կանանց նկատմամբ սեռական ոտնձգության փաստով: Ոչ պատշաչ վարք դրսևորելու մեջ նրան մեղադրել էր ավելի քան 80 կին:

Պրոդյուսերին սպառնում է 25 տարվա ազատազրկում: Վայնշտեյնին ներկայացված մեղադրանքներից դատարանը հաշվի է առել միայն երեքը, որոնք վաղեմության ժամկետը չի ավարտվել և որոնք իրապես լուրջ հիմք են մեղադրանք առաջադրելու համար: Պրոդյուսերը, սակայն, չի ընդունում իր մեղքը: