«Նա իսկական հայ հրեշտակ է»․ ամերիկացի բասկետբոլիստը հայտնել է Քլոե Քարդաշյանից բաժանվելու պատճառը

«Քարդաշյանների ընտանիքը» իրապատում շոուի աստղ Քլոե Քարդաշյանի նախկին ամուսինը՝ ամերիկացի բասկետբոլիստ Լամար Օդոմը, ամերիկյան հայտնի Hollyscoop առցանց շոուի ժամանակ պատմել է Քիմ Քարդաշյանի կրտսեր քրոջից բաժանվելու պատճառների մասին, գրում է Metro պարբերականը։

Օդոմն ափսոսանք է հայտնել և խոստովանել, որ ամուսնալուծության մեղավորն ինքն է եղել։

«Քլոեն իսկական հայ հրեշտակ է։ Ես սքանչելի կին ունի, սակայն նրա հետ շատ վատ վարվեցի»,- խոստովանել է 39-ամյա բասկետբոլիստը։

Բասկետբոլի ազգային ասոցիացիայի կրկնակի չեմպիոնը նաև հայտնել է, թե ինչպես է նախկին կինը 2015թ․-ին, երբ ինքը կոմայի մեջ էր, հոգ տարել իր մասին, ինչի համար ինքը շնորհակալություն հայտնելու հնարավորություն չի ունեցել։

Հիշեցնենք, որ Օդոմի ու Քարդաշյանի ամուսնությունը 7 տարի է տևել: 2013թ․-ին Քարդաշյանն ապահարզան է պահանջել, գործընթացը պաշտոնապես ավարտվել է 2016-ի դեկտեմբերին: