Ծնվել է «Միսս Մոսկվա» տիտղոսակրի և Մալայզիայի նախկին թագավորի առաջնեկը (ուսանկարներ)

«Միսս Մոսկվա» գեղեցկության մրցույթի հաղթող Օքսանա Վոյևոդինան, որն ամուսնացել է Մալայզիայի՝ գահից հրաժարված նախկին թագավորի հետ, լույս աշխարհ է բերել իրենց առաջնեկին:

Ինչպես նշում է Daily Mail-ը, գեղեցկուհին և սուլթան Մուհամադ 5-րդը պսակադրվել էին նախորդ տարվա նոյեմբերին: Պարբերականը հիշեցնում է, որ միապետը գահից հրաժարվել էր տարեսկզբին, երբ համացանցում հրապարակվել էին 25-ամյա կնոջ ինտիմ լուսանկարներն այլ տղամարդկանց հետ:

Այժմ Վոյևոդինան սոցցանցերում հայտնել է, որ մայիսի 21-ին ծնվել է իրենց որդին: Նա նորածնի ոտքերի լուսանկարն է հրապարակել՝ կից գրելով. «2019թ. մայիսի 21՝ օր, երբ կյանքս կիսվեց «առաջ» և «հետոյի»: Մայրանալու հետ կապված այն բոլոր փոփոխությունները, որոնց մասին ինձ ասում էին, ճշմարիտ են: Այս սերն այնքան առանձնահատուկ է: Այս զգացողությունները միանգամայն նոր են: Երախտապարտ եմ Ալլահին և ամուսնուս մեր որդու համար: Հիմա մենք երեքով ենք»,-գրել է նա:

Գեղեցկուհին նաև մանրամասնել է, որ որդուն անվանել են Տենգկու Իսմայիլ Լեոն Պետրա բին Տենգկու Մուհամադ 5-րդ Ֆարիս Պետրա: