Եվրոպական կենտրոնական բանկը սկսել է 100 եւ 200 եվրո արժեքով նոր թղթադրամների շրջանառությունը
Երեքշաբթի՝ մայիսի 28-ին, Եվրոպական կենտրոնական բանկը (ԵԿԲ) սկսել է նոր 100 եւ 200 անվանական արժեքով թղթադրամների շրջանառությունը: Ընդհանուր առմամբ կթողարկվի 3 մլրդ նոր թղթադրամ: Իսկ հներն աստիճանաբար դուրս կբերվեն առեւտրային ցանցերից, ընդ որում՝ դրանք կշարունակեն կիրառվել որպես լիարժեք վճարային միջոց, հաղորդում է ՏԱՍՍ-ը:
Նոր թղթադրամների վրա այժմ կլինի հինհունական դիցաբանության հերոսուհու՝ Եվրոպայի պատկերը: Այն ունի ջրային նշանի տեսք հոլոգրաֆիկ հորիզոնական շերտի վրա: Եւս մեկ տարբերանշանն այն է, որ ներքեւի ձախ անկյունում 100 կամ 200 թվերը կփոխեն գույնը կապույտից մուգ կանաչ՝ կախված թղթադրամի թեքությունից: Դեռ ավելին, թեքության դեպքում ի հայտ կգան միասնական արժույթի նշանի տեսքով հոլոգրաֆիկ պատկերները:
«Պաշտպանիչ այդ տարրերը կդժվարեցնեն թղթադրամների կեղծումը»,-ասել է գերմանական ԿԲ-ի կառավարման խորհրդի նախագահ Յոհանես Բերմանը:
Ֆրանկֆուրտում պահպանել են նոր թղթադրամների գույները, սակայն փոխել են գրաֆիկական դիզայնը: Քաղաքացիները նախ կնկատեն թղթադրամի երկու կողմերում ուռուցիկ, հստակ շոշափելի գծերը:
Ավելի վաղ՝ 2013, 2014, 2015 եւ 2016 թվականներին, սկսել էին շրջանառվել 5, 10, 20 եւ 50 եվրո անվանական արժեքով թղթադրամները: 500 եվրո անվանական արժեքով թղթադրամները չեն թարմացվի, քանի որ ԵԿԲ-ը որոշել է հրաժարվել դրանցից:
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ընտանեկան բռնությո՞ւն. Նատալյա Ռոտենբերգը հաղորդում է ներկայացրել ոստիկանություն
Ալյասկայում Ուկրաինայի վերաբերյալ համաձայնություն չի եղել. Ռուբիո
Լուկա Մոդրիչը 200-րդ խաղն անցկացրեց Խորվաթիայի հավաքականի կազմում
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Դիդիե Դեշամը հրատապ լքել է Ֆրանսիայի հավաքականի ճամբարը
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
ՀՀ վարչապետ Նիկոլ Փաշինյանի ճեպազրույցը ուղիղ
Գեղարքունիքից 303 երեխա հանգստի է մեկնել դպրոցականների ամառային ճամբար