Մոնիկա Բելուչին թափանցիկ վերնազգեստով զբոսնել է Կաննում

Իտալացի դերասանուհի Մոնիկա Բելուչին նախօրեին ժամանել է Կանն, որտեղ մայիսի 17-ին մեկնարկել է 72-րդ միջազգային կինոփառատոնը:

Ինչպես գրում է elle.ru-ն, Բելուչին միջոցառմանը ներկայացել է Christian Dior նորաձևության տան հրավերով:

Փառատոնը ոչ միայն ֆիլմերի պրեմիերաների հարթակ է, այլև հանրային միջոցառումների անցկացման վայր, ինչպես օրինակ amfAR բարեգործական երեկոյի և Chopard ոսկերչական իրերի հավաքույթի կամ Dior-ի ընթրիքի:

Դերասանուհին ընկերոջ՝ Նիկոլաս Լեֆեբվրի ընկերակցությամբ արդեն ներկա է գտնվել Diоr-ի երեկույթին՝ աստղային հյուրի կարգավիճակով: Այնուհետև լուսանկարիչները իտալուհուն նկատել են միայնակ զբոսնելիս:

Ինչպես աղբյուրն ընդգծում է, Բելուչին սիրալիր ժպտում էր և հիանալի տեսք ուներ: Նա զբոսանքի էր դուրս եկել սև թափանցիկ վերնազգեստով և պիջակով: