Լրագրողները պարզել են Մեգան Մարքլի՝ առաջին ամուսնուց բաժանվելու պատճառը

Մեծ Բրիտանիայի արքայազն Հարիի կնոջ՝ Սասեքսի դքսուհի Մեգան Մարքլի մասին փաստագրական ֆիլմ է նկարահանվում, որի ստեղծողներին հաջողվել է պարզել, թե ինչու է նա բաժանվել առաջին ամուսնուց՝ Թրևոր Էնգելսոնից, գրում է woman.ru-ն:

Հայտնի է, որ դքսուհին գերադասում է չխոսել պրոդյուսեր Էնգելսոնի հետ 2 տարի տևած ամուսնության մասին, որն ավարտվել էր իր կողմից ամուսնական մատանին փոստով ամուսնուն ուղարկելով:

«Մեգան Մարքլ. ֆիլմեր, ամուսնություն և մայրություն» վերնագրով փաստագրական ֆիլմում ներկայացվել է Մեգանի՝ նախկին ամուսնուն լքելու պատճառը:

«Մեգանը և Թրևորը 7 տարի միասին են եղել, որից 2-ը՝ որպես ամուսիններ: Նրանց ամուսնությունից անմիջապես հետո դերասանուհին Suits հեռուստասերիալում նկարահանվելու առաջարկ ստացավ և մեկնեց Տորոնտո, իսկ ամուսինը մնաց Լոս Անջելեսում: Հենց դա էլ կործանեց նրանց ամուսնությունը»,- հայտնել է լրագրող Էշլի Փրիսոնը ֆիլմի ստեղծողների հետ հարցազրույցի ընթացքում: