Մինչև 1 մլն դոլար. Որքան գումար է վաստակում Քիմ Քարդաշյանը Instagram-ում մեկ գովազդային հրապարակման համար

Ամերիկյան Keeping Up With the Kardashians իրապատում շոուի աստղ Քիմ Քարդաշյանն Instagram սոցկայքում ամենաակտիվ հայտնիներից է, որն ունի 136 մլն հետևորդ, և այս հարթակն օգտագործում է ոչ միայն գեղեցիկ լուսանկարներով կիսվելու, այլև կլորիկ գումարներ աշխատելու համար:

Ինչպես նշում է Daily Mail-ը, 38-ամյա հայուհին մանրամասնել է, որ Instagram-ում մեկ գովազդային հրապարակում անելու դիմաց ստանում է 300 000-500 000 դոլար, իսկ երբեմն էլ այդ գումարը կարող է հասնել 1 մլն-ի:

Սակայն դա չի նշանակում, որ Քարդաշյանն ընդունում է ամեն մի առաջարկ և ընտրողական մոտեցում չի ցուցաբերում: Հաճախ նա մերժում է այն ընկերությունների առաջարկները, որոնք, ըստ աստղի, չեն բխում իր իսկ բրենդների շահերից:

Այս մասին հայտնի է դարձել հեռուստաաստղի՝ Missguided USA հագուստի բրենդի դեմ ներկայացված դատական հայցից: Քարդաշյանը բրենդին մեղադրում է հայտնի նորաձևության տների իր գովազդած վինտաժային զգեստների դիզայնն անմիջապես կրկնօրինակելու ու սեփական անվան տակ նույն հագուստից արտադրելու համար: Այսպիսով՝ Missguided USA-ը թյուրիմացության մեջ է գցել Քարդաշյանի երկրպագուներին՝ այնպիսի տպավորություն ստեղծելով, թե հեռուստաաստղը համագործակցում է այդ ընկերության հետ և հենց նրանց արտադրանքն է գովազդում: Քարդաշյանը 5 մլն դոլար փոխհատուցում է պահանջում:

Այս թեմայով «Ես միշտ ճանապարհներ եմ փնտրում Հայաստանին աջակցելու համար»․ Քիմ Քարդաշյան (տեսանյութ) «Ես միշտ ճանապարհներ եմ փնտրում Հայաստանին աջակցելու համար»․ Քիմ Քարդաշյան (տեսանյութ) «ԱՄՆ-ի անեծքը». Քիմ Քարդաշյանը մերկ նկարահանվել է դրոշի ֆոնին Fendi-ն հավաքածու է պատրաստում Քիմ Քարդաշյանի հետ «Ես չեմ խնդրել հայուհի լինել։ Իմ բախտը պարզապես բերել է». Քիմ Քարդաշյան