Թինա Կանդելակին խոստովանել է, որ հանուն երիտասարդության պահպանման դիմային ներարկումների է դիմում

Հայկական և վրացական արմատներով հայտնի հաղորդավարուհի Թինա Կանդելակին սեփական օրինակով ապացուցում է, որ խնամքի միջոցով կարելի է 43 տարեկանում 30 տարեկանի տեսք ունենալ:

Օրերս Կանդելակին Instagram-ի իր էջում պատմել է հետևորդներին՝ ինչ պրոցեդուրաների է դիմում երիտասարդ մնալու համար: Հատկանշական է, որ հայտնի հաղորդավարուհին հաճախ է կիսվում երիտասարդության և գեղեցկության գաղտնիքներով, ինչպես նաև խոսում է առողջ ապրելակերպի, սպորտի և մարմնամարզության օգտակարության մասին:

«Այնքան հաճելի է ամեն անգամ լսել, որ շատ կանայք քննարկում են իմ դեմքը, հետաքրքրվում են իմ գաղտնիքներով… Գեղեցիկ դեմքը հետևողական ջանքերի արդյունք է, որոնք չեն սահմանափակվում կոսմետիկայով և կոսմետոլոգիայով», - գրել է Կանդելակին հերթական հրապարակման մեջ՝ խոստովանելով, որ հանուն գեղեցկության ներարկումների նույնպես դիմում է:

Հաղորդավարուհու խոսքով՝ ճիշտ արված ներարկումները թույլ են տալիս փոփոխել դեմքի ձևը և առանց պլաստիկ վիրահատության դիմելու գեղեցիկ տեսք ունենալ:

Կանդելակին հավելել է, որ երիտասարդության պահպանման մասին իր բոլոր գիտելիքները ներկայացրել է «Pro лицо» գրքում: