Կիրա Նայթլին հայտնել է, որ երկրորդ երեխային է սպասում (լուսանկարներ)

Անգլիացի հայտնի դերասանուհի Կիրա Նայթլին երկրորդ երեխային է սպասում: Դերասանուհին Chanel J12 ժամացույցների շարքին նվիրված խնջույքին ներկայացել է շիֆոնե կաթնագույն զգեստով՝ ի ցույց դնելով հղիությունը:

Ինչպես նշում է Daily Mail պարբերականը, մինչ այդ Նայթլին լայն հագուստի տակ թաքցրել էր հղիությունը:

Դերասանուհին և նրա ամուսինը՝ 35-ամյա Ջեյմս Ռայթոնը, ամուսնացել են 2013թ.-ի մայիսին, իսկ 2015թ.-ին ծնվել է նրանց առաջնեկը՝ Էդին:

Այս տարվա հունվարին 34-ամյա դերասանուհին Balance ամսագրին տված հարցազրույցում խոսել էր մայրության դժվարությունների մասին՝ ընդգծելով, որ, չնայած դստեր խնամքի առումով մեծ աջակցություն է ստանում, մայրանալն ու երեխա դաստիարակելն իր համար «ֆիզիկական և հոգեկան մարաթոն» է:

Կիրա Նայթլին նկարահանվել է «Խաղա ինչպես Բեքհեմը» (Bend It Like Beckham), «Դոկտոր Ժիվագո» (Doctor Zhivago), «Հպարտություն և նախապաշարմունք» (Pride & Prejudice), «Կարիբյան ծովի ծովահենները» (Pirates of the Caribbean) և այլ հայտնի ֆիլմերում: