Ամուսնալուծությունից հետո Ադելը ցանկանում է կտրուկ փոխել իմիջը

30-ամյա բրիտանացի երգչուհի Ադելի կյանքում բարդ ժամանակաշրջան է։ Նա բաժանվում է ամուսնուց՝ գործարար Սայմոն Քոնեքիից։ Սթրեսից ու մռայլ մտքերից ազատվելու համար երգչուհին որոշել է մի քիչ «չարություն» անել։

Աստղը ցանկանում է դուրս գալ «տնային տնտեսուհու» կերպարից, ավելի հաճախ ժամանակ անցկացնել ընկերների հետ և զվարճանալ։ Ադելը որոշել է նաև փիրսինգ անել. ահա այսպես նա իր կերպարը կփոխի և ավելի հանդուգն կդառնա։

«Նրա որոշել է քթին կամ ականջին փիրսինգ անել։ Մոտ օրերս նա կայցելի մի հայտնի մասնագետի․․․ Ադելը ցանկանում է զվարճանալ և իրեն կրկին երիտասարդ զգալ։ Նա դուրս է պրծել այդ հարաբերություններից և այլևս չի ցանկանում լինել սովորական տնային տնտեսուհի»,- The Sun-ի հետ զրույցում ասել է երգչուհուն մոտ կանգնած աղբյուրը։

Ադելը երաժշտական կարիերայում դադար էր վերցրել, որպեսզի կարողանա լուծել ընտանեկան խնդիրները։ Նա հանուն ընտանիքի փակեց նաև իր համերգային ընկերությունը։ Սակայն այս զոհողություններն էլ չփրկեցին նրա ընտանիքը։

Ապահարզանի դեպքում նա կկորցնի իր մեծ կարողության կեսը։