Նիկոլ Քիդմանը երեխաներին զրկել է հեռախոսներից և Ինստագրամից

Հոլիվուդյան դերասանուհի Նիկոլ Քիդմանն իր երեխաներին արգելել է օգտվել բջջային հեռախոսներից: Այս մասին տեղեկացնում է Vanity Fair-ը: Դերասանուհին երկու աղջիկ ունի երաժիշտ Քիտ Ուրբանից` 10-ամյա Սանդեյ Ռոուզն ու 8-ամյա Ֆեյս Մարգարետը: 51-ամյա Քիդմանը խոստովանել է, որ երեխաների համար չի գնում տեխնիկական սարքավորումներ և նրանց չի թույլատրում օգտվել սոցիալական կայքերից:

«Նրանք չունեն հեռախոսներ և չեն օգտվում Ինստագրամից: Փորձում եմ պահել սահմանները: Փոխարենն իմ երեխաները մեզ հետ միասին հաճախ են լինում նկարահանումների հրապարակում կամ ամուսնուս համերգներին»,- ասել է դերասանուհին:

Հավելենք, որ 1990-2001 թվականներին Քիդմանն ամուսնացած է եղել հոլիվուդյան դերասան Թոմ Քրուզի հետ: Զույգն ունի երկու որդեգիր երեխա` Քոներ և Իզաբելա անուններով: