«Ես սուրբ չեմ». Վերա Բրեժնևան պատմել է իր մեղքերի մասին

37-ամյա Վերա Բրեժնևան վերջապես որոշել է իր երկրպագուներին ուրախացնել նոր երգով։ Այսօր երգչուհին ներկայացրել է «Я не святая» անունը կրող կոմպոզիցիան։

Երաժշտության և երգի բառերի հեղինակը 55-ամյա Կոնստանտին Մելաձեն է։ Սինգլի սև-սպիտակ շապիկին Վերա Բրեժնևան պատկերված է գանգուր մազերով։ «Պարային պրեմիերա»,- հայտնել է երգչուհին։

«Ես սուրբ չեմ և լավ գիտեմ իմ մեղքերը։ Բայց դու չես ցանկանում դրանք կիսել։ Ես սուրբ չեմ, մենք երբեմն չենք համընկնում»,- երգում է Բրեժնևան։

Նոր կոմպոզիցիան դուր է եկել աստղի շատ երկրպագուների, որոնք այսպիսի երգերի համար շնորհակալություն են հայտնել նրան եւ Կոնստանտին Մելաձեին։