Լոլիտան հայտնել է իր և Ցեկալոյի բաժանման պատճառը

Ռուսական էստրադայի երգչուհի Լոլիտա Միլյավսկայան և երգիչ, հաղորդավար, դերասան, պրոդյուսեր Ալեքսանդր Ցեկալոն բաժանվել են շուրջ 20 տարի առաջ՝ ավելի քան 12 տարվա համատեղ կյանքից հետո: Կողմերից որևէ մեկը մինչ այժմ չէր խոսել պատճառների մասին: Ամուսնալուծությունից հետո նրանք մի քանի անգամ հասցրել էին զուգընկերներ փոխել, իսկ ընդամենը մեկ ամիս առաջ Ցեկալոն հայտարարել է հերթական ամուսնության մասին:

Եվ ահա Լոլիտան որոշել է խախտել լռությունը և Ռուսաստանի Առաջին ալիքի «Էքսկլյուզիվ» հաղորդման շրջանակում բացել է փակագծերը: Դմիտրի Բորիսովին հաջողվել է պարզել, թե ինչն է, ի վերջո, երգչուհու և պրոդյուսերի բաժանման պատճառ հանդիսացել:

Լոլիտան պատմել է, որ միավորումն ի սկզբանե սխալ է եղել, քանի որ իրենք շփոթել են սերն ու ընդհանուր հետաքրքրությունները: Տարիների ընթացքում զույգը շահել է երկրպագուների սրտերը՝ ներկայացնելով բազմաթիվ դուետներ, սակայն միավորված ընտանիք դառնալ նրանց այդպես էլ չի հաջողվել:

Երգչուհին նշել է, որ իրենց բաժանման պատճառն ամենևին էլ դավաճանությունը չի եղել, ինչպես շատերն են մտածում:

«Ինձ համար հարաբերություններում կա մի քանի անընդունելի պահ: Ես չներեցի կոպտությունը, իմ նկատմամբ անտարբերությունը, ֆինանսական հարցերում անարդար լինելը»,-ասել է Լոլիտան: