Փարիզում տոնում են Էյֆելյան աշտարակի կառուցման 130-ամյակը

Փարիզի իշխանությունները հանգստյան օրերին մի շարք միջոցառումներ են կազմակերպել՝ նվիրված Էյֆելյան աշտարակի 130-ամյակի տոնակատարությանը:

Ինչպես հաղորդում է INTERFAX.RU-ն՝ հղում անելով տեղի աղբյուրին, աշտարակի մի քանի հարկերում, ինչպես նաև մոտակա այգում խաղ կկազմակերպվի, որի մասնակիցները պետք է հանելուկներ գուշակեն՝ կապված աշտարակի հետ:

Բացի այդ, աշտարակի մոտակայքում ցուցադրություն է սկսվում այն մարդկանց լուսանկարներով, որոնք առնչություն ունեն Էյֆելյան աշտարակի շինարարության հետ: Նշվում է, որ մի շարք տոնակատարություններ կիրականացվեն նաև աշնանը:

Էյֆելյան աշտարակի բացումը տեղի է ունեցել 1889-ի մարտի 31-ին: Աշտարակի բարձրությունը բազմիցս փոփոխվել է, ինչը պայմանավորված է ամենավերևում տարատեսակ արբանյակների տեղադրմամբ: Ներկա պահին աշտարակի բարձրությունը 324 մետր է: Մի քանի տասնամյակ այն համարվել է աշխարհի ամենաբարձր կառույցը:

Գուստավ Էյֆելի կառուցած աշտարակը վերջին տարիներին երկրորդ տեղն է զբաղեցնում ամենից շատ այցելվող ֆրանսիական զբոսաշրջային կառույցների թվում: Ամեն տարի աշտարակ է բարձրանում 7.1 մլն մարդ: Առաջին տեղում է Փարիզի Աստվածամոր տաճարը (մոտ 13.6 մլն մարդ): Սակայն տաճար այցելությունն, ի տարբերություն աշտարակի, անվճար է: