Playboy-ի մոդելի մեքենայի բեռնախցիկում դիակ են հայտնաբերել

ԱՄՆ-ում ՀԴԲ-ն ձերբակալել է Playboy-ի մոդել Քելսի Թերներին՝ կապված հոգեբույժի սպանության հետ, որի մարմինը հայտնաբերվել է ավտոմեքենայի բեռնախցիկում: Այս մասին հաղորդում է Law and Crime-ը:

Ըստ առկա տեղեկատվության՝ 25-ամյա մոդելին կասկածում են 71-ամյա Թոմաս Բերչարդի սպանության մեջ: Միաժամանակ նրա սպանության շարժառիթը չի հստակեցվում:

Նշվում է, որ Նևադայում լքված մեքենայի մասին մարտի 7-ին հաղորդել է վարորդներից մեկը: Ոստիկանները բեռնախցիկում մարմին են գտել: Ընդ որում՝ Բերչարդը մահացել է գլխին բութ առարկայով հասցված մի քանի հարվածներից: Հետաքննությամբ պարզվել է, որ նա ծանոթ է եղել մոդելի հետ շուրջ երկու տարի, ինչպես նաև վճարել է նրա բնակարանի վարձը: Նրանց հարաբերությունների ավարտից հետո Բերչարդը դադարեցրել է դրամական վճարումները: Երեք ամիս անց Թերներին, նրա երկու երեխաներին և մայրիկին վտարել են չվճարելու պատճառով: Մոդելի ընտանիքը նրա դեմ մեղադրանքը համարում է կեղծ: