Արքայազն Հարին և Մեգան Մարքլը տեղափոխվում են Քենսինգթոնյան պալատից

Մեծ Բրիտանիայի արքայազն Հարիի կինը՝ նախկին դերասանուհի Մեգան Մարքլը, հղիության արձակուրդից դեռևս չի օգտվում, թեև նրա հանրային պարտականությունները փաստացի ավարտվել են: Ըստ Harper's Bazaar-ի՝ Սասեքսի դքսուհին դեռ շարունակում է մասնավոր հանդիպումներ ունենալ:

Հայտնի է, որ ծննդաբերությունից առաջ վերջին պաշտոնական միջոցառումը, որին Մեգան Մարքլը մասնակցել է, եղել է Բուքինգհեմյան պալատում Համադաշնության օրվան նվիրված միջոցառումը, որին մասնակցել են նաև թագավորական ընտանիքի մյուս անդամները:

Միևնույն ժամանակ Daily Mirror-ը տեղեկացնում է, որ արքայազն Հարին և Մեգանը երեխայի ծննդին ընդառաջ տեղափոխվում են Քենսինգթոնյան պալատից: Ըստ շրջանառվող լուրերի՝ նրանց նոր կեցավայրը կդառնա Վինձորի Frogmore քոթեջը:

Նշվում է, որ տեղափոխման հետ կապված փոփոխություններ են սպասվում նաև արքայական զույգին սպասարկող անձնակազմում: