Ջենիֆեր Լոպեսի նշանադրության մատանին արժե մոտ 4.5 մլն դոլար

Ամերիկացի բեյսբոլիստ Ալեքս Ռոդրիգեսը իր հարսնացուին՝ հոլիվուդյան դերասանուհի և երգչուհի Ջենիֆեր Լոպեսին շուրջ 4.5 մլն դոլար արժողությամբ մատանի է նվիրել։

Daily Mail-ի փոխանցմամբ՝ այդ մասին բարձրաձայնել է Rare Carat ընկերության ոսկերիչ Էջեյ Անանդը։

«Մեր փորձագետները հաշվարկել են, որ 20 կարատանոց ադամանդն արժե շուրջ 4.5 մլն դոլար»,- պարզաբանել է նա։

Հիշեցնենք, որ Ջենիֆեր Լոպեսը և բեյսբոլիստ Ալեքս Ռոդրիգեսը հայտարարել են մոտալուտ հարսանիքի մասին։ Իր Instagram-ում 49-ամյա երգչուհին հրապարակել է նշանադրության մատանիով լուսանկար։