Ադրբեջանական ծագմամբ ռուսաստանցի ռեփեր Bahh Tee-ին կողոպտել են

Ադրբեջանական ծագմամբ ռուսաստանցի ռեփեր Bahh Tee-ի (իրական անունը՝ Բախթիյար Ալիև) մոսկովյան տանից հանցագործները գողացել են մոտ 4,2 միլիոն ռուբլի, որը համարժեք է 60 հազար դոլարի։ Այս մասին տեղեկությունները հաստատել է Մոսկվայի ոստիկանությունը՝ առանց տուժածի անունը նշելու։

Ոստիկանների հաղորդմամբ՝ գողը բնակարան է մտել դուռը կեղծ բանալիով բացելով։ Հիմա նրան փնտրում են, հարուցված է քրեական գործ՝ առանձնապես խոշոր չափի գումարի գողության հատկանիշներով։

Վաղ տարիքում Ալիևն ընդունվել ու գերազանցությամբ ավարտել է Ռուսաստանի ներքին գործերի նախարարության ակադեմիան, սակայն հետագայում չի անցել ծառայության, որովհետև դեռ ուսումնառության տարիներից սկսել է ռեփերի կարիերան։