Ուսպենսկայայի թանկարժեք նվերն ամուսնուց՝ 30 միլիոն ռուբլի արժողությամբ ավտոմեքենա

Օրերս շանսոնի թագուհին նշել է իր 65-ամյակը։ Միջոցառման ժամանակ զվարճացել է շոու բիզնեսի ողջ աստղաբույլը։ Նրան շնորհավորել են Լոենիդ Ագուտինը, երգչուհին Սլավան, Էմինը, Քեթի Թոփուրիան, Սերգեյ Սվետլակովը եւ այլ աստղեր։ Ամբողջ գիշեր երգչուհին երգել եւ պարել է հյուրերի հետ։ Աստղերն էլ իրենց հերթին այնքան են սիրում Լյուբային, որ պատրաստ են եղել ողջ երեկո անվճար երգել։

 Սակայն ամենաշքեղ նվերը երգչուհին ստացել է ամուսնուց՝ գործարար Ալեքսանդր Պլակսինից։ 30 միլիոն ռուբլի արժքղությամբ ճերմակ լյուսքս դասի Ռոլս Ռոյս մակնիշի ավտոմեքենա։ Մեքենայի սրահը պատրաստված է հատուկ պատվերով։

 «Խոստացավ «Ֆանտոմ», սակայն խաբեց, նվիրեց սովորական Ռոլս Ռոյս։ Բայց ես չտխրեցի։ Նա սիրում է ինձ մեքենաներ նվիրել։ Երբ մենք ծանոթացանք նա նվիրեց կաբրիալետ, սակայն այն ժամանակ ավելի համեստ էր, իհարկե այն բաց Մերսեդես էր», - խոստովանել է երգչուհին՝ «Ты не поверишь!» հաղորդման ժամանակ։