Վիկտորյա Բեքհեմը ցույց է տվել ընտանեկան հանգստի ժամանակ ստացած վնասվածքը (լուսանկարներ)

Վիկտորյա Բեքհեմը նոր է վերադարձել ֆրանսիական լեռնադահուկային առողջարանում ընտանեկան հանգստից և բացահայտել է, որ վնասվել է ադրենալինով լի ժամանցի պահին:

Ինչպես գրում է Daily Mail-ը, նորաձևության 44-ամյա դիզայները Instagram-ում իր հետևորդների հետ կիսվել է սելֆիով՝ ցույց տալով հոնքերից վեր գտնվող վերքը, որն ստացել է դահուկասահքի ժամանակ: Լուսանկարը նա հրապարակել է կից գրառմամբ. «Զվարճանք լեռնալանջերին (բայց ոչ կատարյալ)»: Ի դեպ, անկեղծ սելֆին Վիկտորյան արել է լոգարանային սրբիչով փաթաթված:

Ավելի վաղ լուսանկարներ էին հրապարկվել նաև ակտիվ հանգստից, որոնցից երևում է, որ ողջ ընտանիքն ուրախ ժամանակ է անցկացրել դահուկներով զբոսանքի ժամանակ:

Վիկտորյան այնտեղ է եղել ամուսնու՝ 44-ամյա Դևիդ Բեքհեմի, որդիների՝ 19 ամյա Բրուքլինի, 16-ամյա Ռոմեոյի, 14-ամյա Քրուզի և դստեր՝ Հարփերի հետ: