28-ամյա կին ոստիկանը դարձել է «Միսս Գերմանիա-2019» գեղեցկության մրցույթի հաղթող (լուսանկարներ)

«Միսս Գերմանիա-2019» գեղեցկության մրցույթում հաղթած 28-ամյա ոստիկան Նադին Բարնեյսը շատերի կարծիքով՝ դարձել է ավելի վաղ որպես երկրի ամենագեղեցիկ կին ոստիկան կնքված 34-ամյա Ադրիանա Կոլեսզարի լուրջ մրցակիցը, գրում է Daily Mail-ը:

Նշվում է, որ Բարնեյսը, ինչպես և Կոլեսզարը, Դրեզդենից է: Նա, առաջ անցնելով մրցույթի 9500 մասնակիցներից, կարողացել է նվաճել լավագույնի տիտղոսը:

Գեղեցկուհին պատմել է, որ դեռևս 18 տարեկանում առանձնացել է ընտանիքից և աշխատելու է տեղափոխվել Բադեն Վյուրտենբերգ: Նա խորհուրդ է տվել երիտասարդներին առանց վարանելու հետևել իր օրինակին՝ առանց ծնողների օգնության ինքնուրույնության հասնել կարողանալու համար:

«Ես աշխատել եմ ոստիկանությունում 10 տարի և երբեք դրա համար չեմ զղջացել», - ասել է Բարնեյսը:

Սոցցանցերի բազմաթիվ օգտատերեր արդեն հայտարարել են, որ նա Ադրիանա Կոլեսզարի համար արժանի մրցակից կարող է համարվել ամենագեղեցիկ ոստիկանուհու կոչման համար «պայքարում»: