Հոլիվուդյան դերասանն «Օսկար 2019»-ի կարմիր գորգին է ներկայացել երկարափեշ զգեստով (լուսանկարներ)

Ամերիկացի միասեռական դերասան Բիլի Փորթերը եղել է «Օսկար 2019» կինոմրցանակաբաշխությանը ժամանած ամենաառաջին հյուրերից մեկը, որը, իր սովորության համաձայն, որոշել է ներկայանալ արտառոց տեսքով:

Ինչպես նշում է The Guardian-ը, «Դիրք» (Pose) սերիալի աստղ Փորթերը կրել է երկարափեշ թավշյա զգեստ, որով անկաշկանդ կեցվածք է ընդունել լուսանկարիչների առջև:

Պարբերականը նկատում է, որ զգեստը եղել է տղամարդու տոնական կոստյումի և կանացի զգեստի համադրում:

The Hollywood Reporter-ը գրում է, որ տարօրինակ զգեստի հեղինակն է նյույորքցի դիզայներ Կրիստիան Սիրիանոն, որը հայտնի է գենդերային սահմանները ջնջող դիզայներական լուծումներով:

Փորթերը նախկինում էլ կարևոր միջոցառումների կարմիր գորգին է հայտնվել նմանատիպ հագուստներով: