«Հայկական հումորը գոյատևելու միջոց է». Գարիկ Մարտիրոսյանը պատմել է հայկական հումորի առանձնահատկությունների մասին
Ազգությամբ հայ ռուսաստանաբնակ հումորիստ և շոումեն, «Comedy club» նախագծի համահիմնադիր և անդամ Գարիկ Մարտիրոսյանը հարցազրույց է տվել «Московский комсомолец» պարբերականին: Հարցազրույցի ժամանակ Մարտիրոսյանն անդրադարձել է հայկական հումորի առանձնահատկություններին:
Այն հարցին, թե ինչ է հայկական հումորը և ինչպիսին է դրա բնույթը, հումորիստը պատասխանել է. «Դիտարկելով այն իրադարձությունների ֆոնին, որոնք տեղի են ունեցել հայ ժողովրդի հետ՝ այն հիմնականում ուրախ է: Այդ իրադարձությունները ոչ միշտ են հաճելի եղել, երբեմն՝ անգամ ողբերգական, սակայն հայկական հումորը գոյատևելու, որպես քաղաքակրթություն սեփական գոյությունն ապացուցելու ու ոգու կորովը պահպանելու միջոց է»:
Հայտնի շոումենը, խոսելով կառավարման իր հմտությունների մասին, խոստովանել է, որ քաղաքականությունից գլուխ չի հանում՝ «զրո» է, և մտադիր չէ Հայաստանի նախագահ դառնալ, որքան էլ մարդիկ այդ մասին կատակում են:
Հարցին, թե եթե իրեն ՀՀ նախագահ առաջադրեն, Գարիկ Մարտիրոսյանը պատասխանել է. «Եթե ինձ առաջադրեն, ես հաճույքով այդ առաջարկը կդիտարկեմ և կծիծաղեմ, որովհետև մենք ունենք հրաշալի նախագահ, որի անունն է Արմեն Սարգսյան: Նա շատ լավ է գլուխ հանում իր աշխատանքից... Իմ թեկնածությունն ավտոմատ կերպով չեղարկվում է՝ անմրցունակության պատճառով»:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Հայ-վրացական գազատարը Հայաստանի խնդրանքով կտեղափոխվի
Իրանում պատերազմը Հնդկաստանին կանգնեցրել է գազային ճգնաժամի առաջ
Երևանը միանում է «Երկրի ժամ» համաշխարհային բնապահպանական նախաձեռնությանը
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
ԱՄՆ-ը և Իսրայելը Իրանի արտգործնախարարին հանել են թիրախային ցուցակից
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
«Վարդաշեն» քրեակատարողական հիմնարկից դատապարտյալ է փախել