Հայտնի ռուս մոդել Վիկտորյա Բոնյան պատմել է իր և Նեյմարի հարաբերությունների մասին

Հայտնի ռուս մոդել և հեռուստահաղորդավարուհի Վիկտորյա Բոնյան պատմել է իր և Ֆրանսիական ՊՍԺ-ի բրազիլացի հարձակվող Նեյմարի հետ մտերմության մասին:

Ինչպես գրում է woman.ru-ն, Բոնյան ավելի վաղ Instagram-ի իր էջում կիսվել էր Նեյմարի 27-ամյակի խնջույքի լուսանկարով՝ նշելով #bestfriends (լավագույն ընկերներ) հեշթեգը: Շատերը չէին հավատացել ռուս մոդելին, որ նա իսկապես մտերիմ է Նեյմարի հետ և եղել է հրավիրվածների ցուցակում: Ոմանք անգամ հեգնել էին, որ նա երևի խնջույքին հայտնվել է ծառաների համար նախատեսված մուտքից:

39-ամյա Բոնյան դրանից հետո լրատվամիջոցներին պատմել է, որ ինքն իսկապես ծանոթ է աշխարհահռչակ ֆուտբոլիստի հետ և ցանկալի հյուր է եղել նրա ծննդյան տոնին:

«Նեյմարը շատ ուրախ տղա է, դրական, անկեղծ, բարի: Նրա մասին կարող եմ ասել միայն լավը», - ասել է մոդելը:

Նա նաև հավելել է, որ խնջույքի հյուրերը հիմնականում եկել էին առանց նվերի, մինչդեռ ինքը Նեյմարի համար պայուսակ էր գնել: