25 միլիոն դրամը շահել է Աչաջրի նախկին գյուղապետը (Տեսանյութ)

Ավարտվեց Վիվառոյի կազմակերպած հերթական ակցիան, որը մեկնարկել էր դեռ երեք ամիս առաջ: Ակցիայի մրցանակային ֆոնդ էր սահմանվել 150.000.000 դրամ:

Շանթ հեռուստաընկերության ուղիղ եթերում հեռարձակվող եզրափակիչ խաղարկության ժամանակ գրանցվեց խոշոր շահում` 25 միլիոն դրամը բաժին հասավ մեկ մասնակցի: Բայց սա աննախադեպի շահումի միայն մի կողմն է: Արտասովորն այն էր, որ երբ հաղորդավարները կապ հաստատեցին շահող մասնակցի հետ, ում անունը Տաթև էր, նրանց պատասխանեց տղամարդու ձայնով մի անձնավորություն, ով հանգիստ ասաց, որ` այո, Տաթևն ինքն է:

Շփոթմունքը կարճ տևեց, իսկապես, 25 միլիոն դրամ մրցանակը շահել էր Տավուշի մարզի Աչաջուր գյուղի բնակիչ Տաթև Սերյոժայի Գասպարյանը։

Ի դեպ, Տաթեւ Գասպարյանը երկար տարիներ եղել է Աչաջուր գյուղի գյուղապետ, իսկ վերջին տարիներին, ըստ որոշ տեղեկությունների, ֆինանսական լուրջ խնդիրների առջեւ է կանգնած եղել:

Պատահական չէ, որ լսելով, որ ինքը մեծ գումար է շահել, նա ասել է՝ թե դուք մեզ փրկեցիք:

Top-News.am