Նա փորձել է վաճառել սեփական ամուսնուն

Համբուրգի Dorte L կեղծանունով բնակչուհին eBay առցանց աճուրդում վաճառքի է հանել իր ամուսնուն՝ գրում է Mirror-ը։ «Օգտագործված ամուսին» լոտի գինը կազմել է 18 եվրո։

40-ամյա կինը պարզաբանել է, որ արդեն յոթ տարի է՝ ինչ ամուսնացած է։ Նրա կարծիքով՝ իրենց հարաբերությունները սպառել են իրենց, իրենք այլևս չեն պատկանում միմյանց։

Dorte L-ը խնդրել է բոլոր հետաքրքրվածներին կապ հաստատել իր հետ։ Նա նաև նշել է, որ ցանկացողները կարող են վարձույթով վերցնել ամուսնուն Ծննդյան տոներին։

Հայտարարության հեղինակը ավելի ուշ հայտարարել է, որ ստացել է բազմաթիվ հուզական արձագանքներ, բայց ոչ մի հստակ առաջարկ։

Ավելի ուշ կինը պարզաբանել է, որ իրականում չի ցանկացել վաճառել ամուսնուն, պարզապես կատակել է։ Նա նաև հավելել է, որ ամուսինը դրա մասին իմացել է թերթերից։