Մեծ Բրիտանիայի թագավորական ընտանիքը մասնակցել է Սանդրինգհեմի եկեղեցում սուրբծննդյան արարողությանը (լուսանկարներ)

Մեծ Բրիտանիայի թագավորական ընտանիքը Սանդրինգհեմի եկեղեցում մասնակցել է սուրբծննդյան արարողությանը, գրում է Daily Mail-ը:

Թագավորական ընտանիքի անդամները ոտքով գնացել են Սուրբ Մարիամ Մագդաղենացի եկեղեցի: Հարյուրավոր հավաքվածները նրանց բարեմաղթանքներ են հղել: Էլիզաբեթ Երկրորդ թագուհին եկեղեցի է ժամանել իր ծառայողական լիմուզինով:

Քեմբրիջի դքսուհի Քեյթը և Սասեքսի դքսուհի Մեգանը քայլել են կողք կողքի, ջերմ զրուցել և ժպիտներ փոխանակել, ինչը թույլ է տալիս ենթադրել, որ նրանց միջև լարվածության մասին լուրերը սոսկ բամբասանքներ են եղել, գրում է լրատվամիջոցը:

Արարողությանը ներկա չեն գտնվել Էդինբուրգի դուքս Ֆիլիպը և Քորնուելի դքսուհի Կամիլան:

Հիշեցնենք, որ ավելի վաղ լուրեր էին շրջանառվում, թե իբր Քեյթը Սուրբ Ծնունդն անց է կացնելու Բերքշիրում՝ իր ընտանիքի հետ, մինչդեռ արքայազն Հարին ու նրա կինը՝ Մեգանը, այն կտոնեն թագուհու հետ: Ավելի ուշ Քենսինգթոնյան պալատը հերքել էր այդ լուրերը:

Այս թեմայով Արքայազն Չարլզը դադարել է ֆինանսավորել Հարիին ու Մեգան Մարքլին Բրիտանական թագավորական ընտանիքի կայքից ջնջվել են Մեգան Մարքլի, արքայազններ Հայրիի եւ Էնդրյուի հաշիվները Բացահայտվել է, թե ով է արքայական ընտանիքի ամենագեղեցիկ կինը Հարին և Մեգանը վերադառնում են Մեծ Բրիտանիա Արքայազն Ֆիլիպը կորոնավիրուսի պատճառով ծննդյան 99-ամյակին խուսափել է մեծ խնջույքից, հրավառությունից