Պուտինի նվիրած կատուն «ճապոներեն է սովորել» և 8 կգ քաշ հավաքել

Սիբիրյան կատուն, որին մի քանի տարի առաջ Ռուսաստանի նախագահ Վլադիմիր Պուտինը նվիրել է Ճապոնիայի Ակիտա պրեֆեկտուրայի նահանգապետ Նորիհիսե Սատակեին, 8 կգ քաշ է հավաքել և սովորել ճապոներեն հասկանալ: Այս մասին «ՌԻԱ Նովոստի»-ի հետ հարցազրույցում ասել է պաշտոնյան:

«Կատուն առողջ է, մեծացել է, արդեն 8 կգ է: Ես ընդհանուր յոթ կատու ունեմ, մյուս վեցը նրա հետ լավ հարաբերություններ ունեն: Նա ճապոներեն հասկանում է»,-ասել է Սատակեն:

2012-ին Սատակեն Պուտինին ակիտա-ինու ցեղատեսակի շուն է նվիրել: Ի պատասխան՝ նա ՌԴ նախագահից սիբիրյան կատու է նվեր ստացել և նրան Խաղաղություն անվանել: