Հայտնի են տարվա ամենաոճային մարդիկ

Բրիտանական Dazed ամսագիրը հրապարակել է 2018թ.-ի ամենաոճային մարդկանց վարկանիշային ցանկը:

Առաջին հորիզոնականը զբաղեցրել է ամերիկացի դերասան Ջեֆ Գոլդբլումը, որը հայտնի է «Ճանճը» և «Անկախության օրը» ֆիլմերից: Գոլդբլումը, որի զգեստապահարանում առկա է Prada-ի վերնաշապիկների, երևի թե, ամենախոշոր հավաքածուն, մի քանի անգամ Instagram-ում նորաձևության տան եզակի դիզայնով վերնաշապիկներ է տեղադրել:

Երկրորդ տեղում է հայտնվել ամերիկացի հիփ-հոփ կատարող Քարդի Բի-ն, որը դիզայներներ Ալեքսանդր Վենգի, Մարկ Ջեյկոբի և Ջերեմի Սքոթի ցուցադրությունների ժամանակ, նրանց վերջին հավաքածուներից կրած հագուստով, զբաղեցրել է առաջին շարքերը:

Երրորդ տեղում է ֆրանսիացի հինդի փոփ երգչուհի Էլոիզա Լետիսյեն, որն ավելի հայտնի է Christine and the Queens անունով: Այս տարի երգչուհին կարճ կտրել է մազերը և կրճատել մականունը մինչև Chris:

Ցանկում հաջորդը կանադացի փոփ-R’n’B երգիչ Ջասթին Բիբերն է, որին մեկ անգամ չէ, որ նկատել են հավայան պրինտով վերնաշապիկով և բարակ բեղերով:

Պարբերականը նշել է նաև բրիտանացի դերասան Դանիել Դեյ Լյուիսին, էստոնացի ռեփեր Թոմի Քեշին, ամերիկացի թոփ մոդել Բելա Հադիդին, ռեփեր ASAP Rocky-ին: