Քիմ Քարդաշյանը խոստովանել է, որ անտեսում է հիգիենան

«Քարդաշյանների ընտանիքը» ռեալիթի շոուի մասնակից Քիմ Քարդաշյան-Ուեսթը ամերիկյան Busy Tonight հեռուստաշոուում տված հարցազրույցի ժամանակ պատմել է շպարված քնելու իր սովորության մասին՝ տեղեկացնում է Fox News-ը։

Հաղորդման ժամանակ դերասանուհի Բիզի Ֆիլիպսը Քիմին հարցրել է, քնել է նա արդյոք շպարով։ «Նույնիսկ այն ժամանակ, երբ ես չեմ ծրագրել դուրս գալ հանրության առաջ, ես փորձում եմ պահպանել դիմահարդարումը մոտակա 2 օրերին»,- պատասխանել է 38-ամյա հեռուստաաստղը։

Սակայն, մաշկաբանների խոսքով՝ առանց շպարը մաքրելու քնելը առողջության համար վտանգավոր սովորություն է։ «Դեմքի վրա շպարը կարողէ խանգարել գիշերվա ընթացքում մաշկի առողջ բջիջների թարմացմանը»,- նախազգուշացրել է մաշկաբան Ջեսիկա Վայզերը։