Մայրը առևանգել է սեփական երեխային ամուսնուն «փորձելու» համար

Չինաստանի Չժեցզյան գավառի Յուեցին քաղաքի բնակչուհին բեմադրել է իր որդու առևանգումը, որպեսզի ստուգի՝ ամուսինն իսկապես անհանգստանում է իր և երեխայի համար։ Այս մասիn տեղեկացնում է South China Morning Post-ը։

Ամուսնու հետ վիճաբանելուց հետո կինը գնացել է դպրոց տղայի հետևից և նրան ասել, որ սպասի մեկ այլ մեքենայի մեջ, իսկ ինքը գնացել է ոստիկանություն, որպեսզի հայտարարություն տարածի երեխայի անհետացման մասին։ Հետո նա երեխային գյուղ է տարել և թողել բարեկամների մոտ։

«Կորած» տղայի որոնումներին հետևել է ողջ երկիրը։ Ընտանիքը նրա գտնվելու վայրի մասին տեղեկության համար խոշոր պարգևատրում է խոստացել՝ 500 հազար յուան։

6-րդ օրը երեխան գտնվել է։ Շուտով պարզ է դարձել, որ նրա մայրը գիտակցաբար մարդկանց մոլորեցրել է։ Կինը ձերբակալվել է ապատեղեկատվություն ստեղծելու և կանխամտածված կերպով տարածելու կասկածանքով: