Բրոդվեյում տեղի է ունեցել Շերին նվիրված մյուզիքլի պրեմիերան (լուսանկարներ)

Հեղինակավոր Բրոդվեյի թատրոնում տեղի է ունեցել լեգենդար երգչուհի Շերին (Շերիլին Սարգսյան) նվիրված երաժշտական բեմադրության՝ The Cher Show-ի պրեմիերան, որի պրոդյուսերը Նիլ Սայմոնն է:

Ինչպես նշում է Daily Mail-ը, 72-ամյա երգչուհին պրեմիերային է ներկայացել ամբողջովին սևազգեստ՝ կիպ հագուստի միջոցով ընդգծելով հրաշալի պահպանված կառուցվածքը:

Աղբյուրը մանրամասնում է, որ մյուզիքլը հիմնված է երգչուհու կյանքի պատմության վրա:

«Մի քիչ դժվար է տեսնել՝ ինչպես են բեմում ներկայացնում կյանքդ: Ինչ վերաբերում է ընտրված անձնակազմին, ապա այն ավելի լավը չէր էլ կարող լինել»,-խոստովանել է Շերը:

Հայտնի է, որ կյանքի տարբեր փուլերում գտնվող երգչուհուն մարմնավորում է երեք դերասանուհի՝ Ստեֆանի Բլոքը, Թիլ Ուիքսը, Միքայելա Դայմոնդը:

Ընդհանուր առմամբ, մյուզիքլում հնչում են Շերի երգերից 35-ը: