Բարի Ալիբասովն ու Լիդիա Ֆեդոսեևա-Շուկշինան ամուսնացել են

ՌԴ հայտնի երաժշտական պրոդյուսեր, երաժիշտ Բարի Ալիբասովն ամուսնացել է դերասանուհի Լիդիա Ֆեդոսեևա-Շուկշինայի հետ, հաղորդում է Вечерняя Москва-ն:

Արարողությունը տեղի է ունեցել Մոսկվայում: Նորապսակների համար սա առաջին ամուսնությունը չէ. երաժիշտը նախկինում ամուսնացած է եղել հինգ, դերասանուհին՝ վեց անգամ:

Ալիբասովի և Ֆեդոսեևա-Շուկշինայի միջև ռոմանտիկ հարաբերությունները սկսվել էին դեռ 1995թ.-ին և տևել երեք տարի, որից հետո զույգը բաժանվել էր:

71-ամյա երաժիշտի և 80-ամյա դերասանուհու ամուսնության մասին լուրը ռուսական РЕН ТВ հեռուստաալիքին հաստատել է Ալիբասովի օգնականը:

Բարի Ալիբասովը Ռուսաստանի վաստակավոր արտիստ է, առավել հայտնի է որպես «На-На» խմբի հիմնադիր:

Լիդիա Ֆեդոսեևա-Շուկշինան ռուս կինոդերասանուհի է, ՌԽՖՍՀ ժողովրդական արտիստ: