Արմեն Ջիգարխանյանի նախկին կինը հայտնի փաստաբանին մեղադրել է անձնական կյանք ներխուժելու մեջ
Արմեն Ջիգարխանյանի նախկին կնոջ՝ Վիտալինա Ցիմբալյուկ-Ռոմանովսկայայի եւ հայտնի դերասանի փաստաբանների միջեւ շարունակվում են դատական քաշքշուկները։ Ջիգարխանյանն ինքը դատական նիստերին չի մասնակցում։ Նիստերն անցնում են փակ դռների ետեւում։ Նշենք, որ Արմեն Ջիգարխանյանը, ով նախաձեռնել է դատական այս ողջ գործընթացը, ներկա չի գտնվել ոչ մի նիստի, չնայած շատ բան կախված է հենց նրա ցուցմունքից։ Հետքննությունը գտնում է, որ Վիտալինան Ջիգարխանյանի աշխատասենյակում թաքնված տեսախցիկ է տեղադրել, ինչից հետո տեսագրությունը փոխանցել է հայտնի թոք-շոուին։ Արմեն Ջիգարխանյանի փաստաբանները վստահ են, որ Վիտալինան փորձել է տիրանալ նրա փողերին եւ անշարժ գույքին։
Մինչ ընթանում է այս պրոցեսը, քրեական գործ է հարուցվել սկանդալային փաստաբան Էլինա Մազուրի դեմ։
Փաստաբանին մեղադրում են անձնական կյանքի անձեռնմխելիությունը խախտելու մեջ, նա հեռուստաեթերի ժամանակ պատմել է Վիտալինայի մոր հիվանդության մասին։ Այն մասին, որ Լիդիա Ցիմբալյուկը՝ Վիտալինա Ցիմբալյուկ-Ռոմանովսկայայի մայրը տառապում է օնկոլոգիական հիվանդությամբ։ Էլինա Մազուրն այս մասին պատմել է «Անդրեյ Մալախովի Ուղիղ եթեր» ծրագրի շրջանակներում՝ անցած տարվա աշնանը։ Սակայն մեղադրանքներ առաջադրվել են միայն հիմա։
Էլինա Մազուրին սպառնում է մինչեւ երկու տարի ազատազրկում, մինչ այդ նա ստերագրություն է տվել երկրից չբացակայելու համար։ Արմեն Ջիգարխանյանի նախկին կինը Մազուրին մեղադրել է, որ նա առանց թույլտվության հավաքել է փաստեր, որոնք հանդիսանում են ընտանեկան գաղտնիքների մի մասը, իսկ հետո նա հրապարակել է հեռուստաեթերով, հայտնում է «360» հեռուստաըներությունը։
Վիտալինայի խոսքերով Մազուրի հրապարակածները չեն համապատասխանում իրականությանը, մասնավորապես, որ նա աշխատել է աղախին, անհայտ է, թե որտեղ է սովորել եւ կասկածելի եղանակով քաղաքացիություն է ձեռք բերել։
Արմեն Ջիգարխանյանի ժառանգությանը տիրացել են կողմնակի մարդիկ
Ցիմբալյուկ-Ռոմանովսկայան 84-ամյա Արմեն Ջիգարխանյանից մեկ մլն ռուբլի է պահանջում
Արմեն Ջիգարխանյանին դուրս են գրել հիվանդանոցից
Արմեն Ջիգարխանյանը հոսպիտալացվել է և գտնվում է վերակենդանացման բաժանմունքում
Ջիգարխանյանի նախկին կինն ամուսնալուծությունից հետո առաջին անգամ անկեղծացել է (տեսանյութ)
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Իրանում պատերազմը Հնդկաստանին կանգնեցրել է գազային ճգնաժամի առաջ
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Հայ-վրացական գազատարը Հայաստանի խնդրանքով կտեղափոխվի
Երևանը միանում է «Երկրի ժամ» համաշխարհային բնապահպանական նախաձեռնությանը
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
ԱՄՆ-ը և Իսրայելը Իրանի արտգործնախարարին հանել են թիրախային ցուցակից
«Վարդաշեն» քրեակատարողական հիմնարկից դատապարտյալ է փախել