Մելանյա Թրամփի մեկօրյա այցը Տորոնտո կազմել է 174 000 դոլար

ԱՄՆ առաջին տիկին Մելանյա Թրամփի անցյալ տարի Տորոնտո կատարած մեկօրյա այցը 174 000 դոլար է արժեցել, տեղեկացնում է Quartz-ը։

Պարբերականը, վկայակոչելով դաշնային ծախսերի փաստաթղթերը, նշում է, որ տիկին Թրամփը չի գիշերել քաղաքում։

Առաջին տիկնոջ հոկտեմբերի վերջին կայացած աֆրիկյան շրջագայության ծախսն ավելի համեստ է եղել՝ 95 000 դոլար։ Դրա ընթացքում Մելանյան կես օր մնացել է Կահիրեի InterContinental Cairo Semiramis հյուրանոցում։

Մելանյա Թրամփի մամուլի քարտուղար Ստեֆանի Գրիշամը, մեկնաբանելով այս ծախսերը, նշել է, որ անվտանգության միջոցառումները, բժշկական ծառայությունը, կապի միջոցները, ավտոշարասյան սպասարկումը, իրավաբանորեն անհրաժեշտ են պաշտոնական այցերի համար։