Մոնիկա Լևինսկին բացահայտել է Բիլ Քլինթոնին գայթակղելու հնարքները

ԱՄՆ նախկին նախագահ Բիլ Քլինթոնի հետ սկանդալային սիրավեպի պատճառով ամբողջ աշխարհում հայտնի դարձած Մոնիկա Լևինսկին հարցազրույցում նոր ուշագրավ մանրամասներ է ներկայացրել: 20-րդ դարի ամենաաղմկահարույց սեքս սկանդալի հերոսուհին պատմել է Բիլ Քլինթոնին գայթակղելու հնարքների մասին, հաղորդում է Daily Mail-ը:

49-ամյա Քլինթոնն ու 22-ամյա Լևինսկին երկու տարի գաղտնի հանդիպել են: Սիրավեպը սկիզբ է առել 1995թ. նոյեմբերի 14-ին, երբ Սպիտակ տան երիտասարդ աշխատակցուհի Լևինսկիին կանչել են հեռախոսազանգերի հարցում օգնելու համար:

«Հանկարծ նկատեցի, որ վարտիքս երևում է, ու Քլինթոնն այդ պահին սենյակում էր՝ կողքիս: Հագուստս չուղղեցի, թողեցի, որ այն երևա: Որոշ ժամանակ անց, երբ անցնում էի նրա աշխատասենյակի կողքով, Քլինթոնը նայեց ինձ ու ժպտաց՝ հրավիրելով իր սենյակ»,- վերհիշել է կինը:

Լևինսկին ասել է, որ սկանդալից հետո նույնիսկ ինքնասպան լինելու ցանկություն է ունեցել, քանի որ իրեն շատ մեղավոր էր զգում: