Հայ միլիոնատիրոջ դուստրը Ռուսաստանի ամենացանկալի հարսնացուների շարքում

Ռուսական «People Talk» հրատարակչությունը հրապարակել է Ռուսաստանի «15 ամենացանկալի հարսնացուների» վարկանիշը, որում ընդգրկվել է նաև հայազգի գործարար Ալբերտ Ավդոլյանի 22-ամյա դուստրը` Էլվիրան: Գրում է Rusarminfo.ru-ն:

«Էլվիրա Ավդոլյանը Instagram-ի իսկական աստղ է, որի սելֆիները հարյուրավոր մեկնաբանությունների են արժանանում, իսկ Zuhair Murad նորաձևության տան նրա շքեղ զգեստների հավաքածուին ցանկացած մեկը կարող է նախանձել», - գրում է հեղինակը:

Հրատարակչությունը նաև նշում է, որ Էլվիրայի հետ ծանոթանալը հեշտ չի լինի, քանի որ վերջինս անձնական վարորդի ուղեկցությամբ և Rolls Royce-ով է տեղաշարժվում:

Ալբերտ Ավդոլյանը` հեռահաղորդակցության ոլորտում հայտնի ռուսաստանցի գործարար է, որի կարողությունը 700 միլիոն դոլար է գնահատվում:

Ավելի վաղ հայտնի էր դարձել, որ Forbes ամսագրի ռուսական տարբերակը հրապարակել է Ռուսաստանի «տեխնոլոգիական միլիարդատերերի» վարկանիշը, որում ընդգրկվել էր նաև գործարար Ալբերտ Ավդոլյանը: