Որոշվել է արևի տակ մնալու օպտիմալ ժամանակը
Իսպանացի գիտնականները որոշել են, թե որն է արեւային լոգանքների օպտիմալ ժամանակն ու տեւողությունը։ Համապատասխան հետազոտությունը հրապարակվել է Science of the Total Environment ամսագրում։
Գնահատման համար գլխավոր չափանիշ են ընտրել վիտամին D –ի օպտիմալ չափաբաժնի ստացումը, որը մարդու մաշկի մեջ սինթեզվում է արեւային լույսի ազդեցության տակ։
Հունվարին արեւի տակ խորհուրդ է տրվում մնալ մոտ 130 րոպե, ընդ որում պետք է բաց լինի մարմնի մակերեսի առնվազն տասը տոկոսը։ Ապրիլին ու հուլիսին բավական է տասը րոպեն, բայց մարմնի մոտ մեկ քառորդը պետք է բաց լինի։ Հոկտեմբերին արեւի տակ պետք է մնալ կես ժամ։ Այս ռեկոմենդացիաները ճիշտ են հարավային չափավոր լայնությունների համար։
Իսկ հյուսիսային միջին լայնություններում ձմռանը արեւի տակ պետք է ավելի երկար գտնվել։ Ճառագայթումը, որը արտադրվում է 10։00-ին, բավական է, որպեսզի ընդհանուր 9․7 ժամում բավարարվի վիտամին D –ի նկատմամբ օրգանիզմի պահանջը։ Իսկ ժամը 16։00-ին արտադրող ճառագայթման ազդեցության տակ պետք է գտնվել 5․7 ժամ։ Երկու դեպքերում էլ պետք է բաց լինի մարմնի առնվազն տասը տոկոսը։
Մյուս կողմից էլ գարնանը կամ ամռանը արեւի տակ մոտ տասը րոպե գտնվելը՝ ժամը 13։00-ից սկսած, ու մոտ 20 րոպե՝ 15։00-17։00 ժամանակահատվածում , բավական է վիտամին D–ի օրական պահանջի բավարարման համար։ Ընդ որում պետք է բաց լինի մարմնի մակերեսի առնվազն մեկ քառորդը։
Իրենց եզրակացություններին գիտնականները հանգել են 2003-2010 թթ ժամանակահատվածում յուրաքանչյուր սեզոնի մեկ ամսվա ընթացքում ՝ վերլուծելով արեւային ճառագայթման պարամետրերը։
Այս եզրակացությունները ճիշտ են մաշկի երրորդ տեսակ ունեցողների համար (ովքեր մուգ գույնի մազեր ունեն, շագանակագույն կամ մոխրագույն աչքեր, սովորաբար թուխ մաշկ ու չունեն պեպենների), հենց այդ տեսակին է պատկանում իսպանացիների մեծ մասը։ Իսկ ավելի բաց մաշկ ունեցողները պետք է ավելի քիչ մնան արեւի ակ՝ այրվածքների վտանգից խուսափելու համար։ Դա նշանակում է, որ լույսի բնական աղբյուրների միջոցով նրանք ամենայն հավանականությամբ բավականաչափ վիտամին D չեն ստանում։
Նաեւ հեղինակները նշում են, որ միջին տարիքի մարդկանց մոտ վիտամին D–ի արտադրությունը կազմում է երեխաների մոտ դրա արտադրության 66 տոկոսը։ Մասնագետները առաջարկում են կենսաբանական ակտիվ նյութի հնարավոր պակասը լրացնել սննդային հավելումներ ընդունելով։
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ընտանեկան բռնությո՞ւն. Նատալյա Ռոտենբերգը հաղորդում է ներկայացրել ոստիկանություն
Խստորեն դատապարտելի է․ ՄԻՊ-ը՝ Երևանի քաղաքապետարանում տեղի ունեցած միջադեպի մասին
ԱՄՆ Կոնգրեսում տեղի կունենա մամուլի ասուլիս Բաքվում հայ գերիների բանտարկության մասին
Լուկա Մոդրիչը 200-րդ խաղն անցկացրեց Խորվաթիայի հավաքականի կազմում
Կմիավորվի՞ ընդդիմությունը, և արդյո՞ք դա ուշացած չէ
ՏՏ ոլորտի վարչական ռեգիստրի ictstat.am կայքը տեխնիկական խնդիրներ ունի. այդ ընթացքում հաշվետվություն ...
ՀՀ վարչապետ Նիկոլ Փաշինյանի ճեպազրույցը ուղիղ
Գեղարքունիքից 303 երեխա հանգստի է մեկնել դպրոցականների ամառային ճամբար
Կապան Ֆեստ 2026․երաժշտության, արվեստի և մշակութային ժառանգության տոնը