Բորտուղեկցորդուհին կրծքով կերակրել է քաղցած նորածնին

Ֆիլիպինյան Philippine Airlines ավիաընկերության բորտուղեկցորդուհի Պատրիշա Օրգանոն կերակրել է լաց լինող նորածնին՝ ուղևորներին փրկելով սթրեսից, հաղորդում է Fox news-ը:

Օրգանոյի խոսքով՝ նա ինքը փետրվարին է լույս աշխարհ բերել դստերը, ուստի միանգամայն կարող էր հասկանալ երիտասարդ մայրիկին: Վերջինն ասել է, որ երեխայի կաթնային խառնուրդը վերջացել է, իսկ կրծքով կերակրել երբևէ չի փորձել:

«Ուղևորները դժգոհությամբ էին նայում փոքրիկ, անպաշտպան լաց լինող նորածնին: Ինքնաթիռում կաթնային խառնուրդ չկա, ուստի ես մտածեցի, որ միակ բանը, որը կարող եմ առաջարկել այդ կնոջը, իմ կաթն է», — Facebook-ի իր էջում գրել է Օրգանոն:

Երեխայի մայրը դեմ չի եղել: